Ads1

Ads2

السبت، 20 مايو، 2017

هنتكلم عن المحتوي الفيروسي بالنسبة للفيس بوك بطريقة مبسطة سهلة لتصل إليكم سريعاً ...


ما هو المحتوي الفيروسي ؟
هو محتوي بيعمل ريتش وتفاعل بدون أي تدخل منك يعني بيتنقل بين الناس 'شير ، كومنتات ، منشن' وغيره

ما فائدة المحتوي الفيروسي ؟
- الحصول علي ريتش عالي جداً
- إذا كان إسم البيدج يشد الإنتباه ستحصل علي شهرة

أمثلة للمحتوي الفيروسي ؟
هناك الكثير جداً منها سنعطي
- مثال لبيدج رياضي: النهارده مبارة الأهلي و الزمالك مثلاً
تقوم بنشر بوست لتصريح سابق مثلاً للاعب من الأهلي يكون من الأخر كدا 'بيقصف جبهة الزمالك' بالتصريح دا
وللإفادة أكثر قم بعمل حملة ممولة تستهدف بيها مثلاً مشتركي بيدج اولتراس أهلاوي
والعكس صحيح .. تصريح من لاعب من الزمالك ... وهكذا

- مثال تاني لبيدج رومانسي: هيقابلك كتير جداً بوستات مثلاً ( منشن لأول واحد عندك وقوله اعزمني علي كنتاكي )
البوستات دي بتعمل تفاعل رهيب جداً وشوف المنشنات والشيرات والتفاعل

- مثال ثالث: مجموعه صور كتير فـ بوست واحد
وكل صورة عليها اسم مثلاً ( أحمد .. الراجل البرنس )
هنا هاتلاقي نفسك كسبان شير كتير جداً من اللي اسمهم أحمد ، وهتلاقي منشنات كتير للناس اللي صاحبهم اسمه أحمد

إزاي اكتب بوست بمحتوي فيروسي ؟
وهنا هاتيجي الفقره المهمه بقي التطبيق العملي ويكون علي حسب نوع صفحتك ...
لو كان مجالك رياضي , رومانسي , اجتماعي فـ الأمر سهل زي ماوضحت فـ فقرة الأمثلة

لو الصفحة تختلف عن المجالات السابقة !
ستبحث عن الموضوع اللي عامل Trend في مجالك خلال اليوم أو الاسبوع " طبعاً هتعرفه أكيد من متابعتك لمجالك "
يعني مثلاً اليومين دول الدنيا خربانه علي الحملات الهجومية بتاعه Wannacry مثلاً
سيادتك بقي تعالي اعمل بوست كده أشكر فيه فـ مستخدمي Mac وأنهم محميين من الهري دا ,, وروح عامل حملة ممولة أستهدف بهم مستخدمي الماك ...
والنتيجة ناس بتعمل منشن تعايير بيها أصحابهم الـ Windows Users وهاتلاقي ناس عاملة شير من باب الفشخره بالماك وغيره

0 تعليقات على " المحتوي الفيروسي بالنسبة لصفحات الفيس بوك "

تابع الحساب الرسمي لـ أحمد الجندي: مؤسس المدونة